Despues ku na aña 2008 statuto a wòrdu kambia , dunando e oportunidat pa hende muhé tambe por tin chens pa vota, masha hopi kambionan mas positivo a sigui tuma lugá .
Tiki tiki pero sigur e deporte di body building na Kòrsou a sigui krese i por mira esaki den diferente atletanan ku a hañá chèns pa kompetí, gana i subi tereno internashonal.

Lokalmente tambe na luna di òktober durante di un reunion general ekstra ordinario miembronan a vota pro pa hasi kambio den e statuto i a aprobá dos kambio hopi importante
1. E deporte di weightlifting, despues di ta morto pa mas ku 25 aña, a wordu inkorporá den e statuto i pronto lo kuminsá ku aktividatnan riba e tereno di deporte aki atrobe.

2. Ku kambio di e status di Kòrsou, kaminda Kòrsou a bira outónomo den reino, a adaptá nos  statuto pa esaki ta konforme na BWII, Reglanan di IFBB, Reglanan di IWF, statuto di CSOF i tambe ku ta kumpli ku reglanan di IOC.

Direktiva di body building por mira atras riba algun logronan di sumo importansha i ta hopi optimista ku,  ku koperashon di  e miembronan lo por hiba e deporte di tantu Body building i muy pronto esun di Weightlifting, hopi leu i sigui pone nòmber di nos atletanan i tambe e Bandera i Himno di Kòrsou resoná  internashonalmente.

Direktiva di CBBWFA ta boga pa tantu dirigentenan, atletanan, coachnan respetá reglanan di e federashon nashonal i internashonal i asina na un manera sano jega na metanan pone dilanti.

Meskos tambe Direktiva ta boga pa den futuro serkano, organisá diferente kursonan , tantu pa hurado, coach i trainer kual nan ta kualifiká pa por sigui yuda e deporte Body Building i Weightlifting.

Direktiva CBBWFA 2011 - 2014

1. Sr. Stanley Francisca        Presidente
2. Sr. Elvis Connor                 Vice-Presidente
3. Sra. Ilse Lau-A-Kien         Sekretario/Tesorero
4. Sr. Rufino Windster          Komisario
5. Sr. Guido Schorea             Komisario